केंद्र सरकारने अन्न सुरक्षा आणि प्रमाण २०२२ या अंतर्गत शाकाहारी अन्नासाठीची नियमावली जाहीर केली. शाकाहारी अन्नात कोणत्या पदार्थांचा समावेश होईल. त्याचे पॅकिंग कसे केले जाईल. आणि बाकीचे नियम सुद्धा यात सांगितले आहेत. त्यातील नियमांची अंमलबजावणी लवकरात लवकर केली जाईल असेही सांगितले. अन्न सुरक्षा आणि प्रमाण(FSSAI) ने शाकाहारी अन्नाची व्याख्या सांगितली आहे. त्यानुसार शाकाहारी अन्न म्हणजे असे अन्न ज्यामध्ये विविध घटकांचा समावेश असतो पण घटक तयार करताना कोणत्याही प्राण्याला हानी पोचवलेली नसावी. कोणालाही शाकाहारी अन्न विकायचे असेल, उत्पादित करायचे झाल्यास या नियमांच्या चौकटीत राहूनच करावे लागेल. शाकाहारी पदार्थांपासून बनवलेल्या उत्पादनांमध्ये प्राण्यांशी संबंधित कोणताही घटक असू नये. तसे करायचे असल्यास आधी परवानगी घ्यावी लागेल.
शाकाहारी अन्नपदार्थांचे पॅकिंग करताना वापरलेले साहित्य हे फूड बिजिनेस ऑपरेटरने सांगितलेल्या नियमांनुसार वापरावे. तसेच उत्पादन, प्रक्रिया आणि वितरण या पातळ्यांवर सुद्धा शुद्धता राखली गेली पाहिजे. चुकून सुद्धा त्यात मांसाचा प्रयोग होत नाही ना हे पाहावे. सगळ्यात महत्वाचे म्हणजे या सगळ्या प्रक्रियेत उत्पादन करणाऱ्यांपासून ते फूड बिजिबेस ऑपरेटर (विक्रेता) या पर्यंत पारदर्शक व्यवहार व्हायला हवा जेणेकरून अन्नपदार्थात कोणत्याही प्रकारची भेसळ होणार नाही.
